साद

साद
हास्यांच्या कारंज्यात
डोळे तुझे किलकिले
सावध होतात क्षणात
जणू वाटतात विस्फारलेले

गालावरचे हास्य तुझ्या
दिसते गं अतुरलेले
तेव्हा तुझे डोळे गं
भावनांनी एकवटलेले

माझा हा आरोप नाही
पक्व कळीचा गंध आहे
वाटतं अनुभवण्यापेक्षा
पाहण्यात मला आनंद आहे


तू दिलेले पुस्तक
त्याला एक सुगंध आहे


हे पुस्तक जरी फूल नसे
चित्रांच्या रुपात हा नाद आहे
ओळखून आहे मी
माझ्यासाठी तुझी ती साद आहे