कांदा उत्पादक; शेतकऱ्यांना - वाली कोण ?

ग्राहकांच्या हितासाठी 

शेतकऱ्यांच्या पोटावर पाय ..........!

 मार्च 2020 पासून संपूर्ण देशात  कोरोनामुळे लोक डाऊन आहे . सर्व उद्योग धंदे  बंद पडण्याच्या मार्गावर आहेत . अजूनही कोरोनाची भीती कमी झालेली नाही .त्यात सारा देश अनलॉक होत आहे .कोरोनाचा कहर अजूनही कमी झालेला नाही .
 रेल्वे, बस,  विमान सेवा बंद आहेत . त्याचा फटका सर्व स्तरावर होत आहे .व्यापारी, दलाल संप करतील ;आणि नुकसान भरपाई सरकार कडून मागून घेतील . पण कोरोनाच्या संकट काळात ज्या शेतकऱ्याने संपूर्ण देशाला जगवलं तो शेतकरी मात्र अजूनही कंगाल आहे .त्याची कर्जातून सुटका होत नाही.  मार्च 2020 पासून  शेतकऱ्यांचा नाशवंत शेतमाल शेतात, बांधावर , घरी , बाजारात सडून नास होऊन जातोय . याची काळजी कुणालाही नाही ; ना खंत ना खेद.  कांद्याला सप्टेंबर मध्ये दर येईल म्हणू चार महान वाट पाहत बसलेले शेतकरी आज खिन्न होऊन बसले आहेत . मरण जवळ करू पाहत आहेत . प्रत्येक  संघटनाना बंद आणि रास्ता रोको करावे लागत आहे .

   एकतर शेतकऱ्यांना  बँका चटकन कर्ज देत नाहीत , सोसायटी लवकर फिरत नाही , पीककर्ज वेळेवर उपलब्ध होत नाही . पीकविमा मिळेल की नाही सांगता येत नाही .  अशात शासनाने शेकऱ्यांच्या हिताचे निर्णय घ्यायला  हवेत . 14 सप्टेंबर 2020 रोजी केंद्र सरकारने अचानक कांदा निर्यातीवर बंदी घातली;आणि  लासलगाव , चाळीसगाव येथील कांद्याचे लिलाव बंद झाले . संपूर्ण महाराष्ट्रात कांद्याचे दर कोसळले . जवळ जवळ चारशे कंटेनर बंदरावर अडकले आणि सहाशे हून अधिक  वाहने  बाजारसमितीच्या बाहेर अडकून राहिली. याचा तोटा नेमका कुणाच्या माथी थडकणार ? कुणाला ?

     आधीच कोरोनाच्या भीतीने मजूर दुप्पट मजुरी मागू लागले आहेत .एक क्विंटल कांदा उत्पादन करायला  दोन हजार  रुपये उत्पादन खर्च येत आहे .त्या मनाने  कांद्याला दर मिळायला हवा .  खरंतर उत्पादन खर्चावर विक्री किंमत असायला हवी; पण कांदा अजून  हमीभावामध्ये नाही. परंतु कांदा हा नाशवंत शेतीमाल आहे  त्यामुळे या  शेतीमालाला उत्पादन खर्चावर विक्रीकिंमत ठरावता येत नाही .

    तरीही काही शेतकरी कांदा उत्पादन हे आपापल्या जबाबदारीवर घेतात . तेव्हा तरी  त्याला फायदा मिळाला पाहिजे . 

      कांद्याची दरवाढ रोखण्यासाठी  कांदा निर्यातबंदी हा उपाय होऊ शकत नाही . तर निर्यात बंदी करणे  हे  कांदा उत्पादन करू नका असे  सांगितल्या सारखे आहे .

 

शेतकरी आशेने पाहतोय ,म्हणतोय मला रडवू नको ...........

      भारतीय कांद्याला बांगलादेश  आणि इतर देशात चांगली मागणी आहे . शिवाय कांदा हे जीवनावश्यक वास्तूमध्ये समाविष्ट नाही .त्यामुळे कांदा परवडत नसेल तर कांदा खाऊ नये असे शेतकऱ्याने म्हंटल तर कुणाला  राग यायचं करण नाही .

      आजपर्यंत सर्व सरकार शेतकऱ्यांच्या हिताचे निर्णय घेऊ म्हणून निवडणूका  लढवल्या जातात  आणि पाच वर्षाच्या काळात शेतकऱ्यांच्या हिताचे निर्णय काही केल्या यशस्वी होताना दिसत नाहीत .

       कांद्याचे बाजारातील भाव वाढले म्हणून जर कांद्याची निर्यात बंदी होत असेल तर  शासनाला केवळ ग्राहकांची काळजी आहे असं म्हणावं लागेल . ग्राहकांच्या काळजीपायी शेतकऱ्यांच्या माथी मरण का ? 

       

#####################################
🙏🙏🙏🙏🙏
 इतर आणखी काही लेख वाचण्यासाठी माझ्या
 bhausahebmahanor.blogspot.com
ला भेट द्या./ ब्लॉगला फॉलो करा.
🙏🙏🙏🙏🙏
  एखादा ब्लॉग आवडल्यास , पोस्ट वाचताना उजव्या कोपऱ्यात वरील ऑपशन(तीन टिंब ) वर  जाऊन आपल्या मित्रांना  whatsapp किंवा facebook द्वारे  share करु शकता.
🙏🙏🙏🙏🙏